Paris-2024: Azərbaycan nümayəndə heyəti missiya rəhbərlərinin seminarına qatılıb

Fransanın paytaxtı Parisdə XXXIII Yay Olimpiya Oyunları missiya rəhbərlərinin seminarı keçirilib.

"Report"un məlumatına görə, tədbirdə Azərbaycan nümayəndə heyətinin şef de missionu, Gənclər və İdman Nazirliyi İdman şöbəsinin müdiri Elnur Məmmədov, şef de missionun müavini, Azərbaycan Milli Olimpiya Komitəsi Xarici əlaqələr şöbəsinin müdiri Anar Bağırov iştirak ediblər.

Seminarda Paris-2024 Yay Olimpiya Oyunlarına hazırlıq prosesi müzakirə edilib, olimpiadanın açılış və bağlanış mərasimləri, tibb, nəqliyyat, yarışların keçiriləcəyi məkanlar, atletlər kəndi, akkreditasiya, atletlərin qeydiyyatı, yerləşdirilməsi və digər məsələlərlə bağlı ətraflı məlumat verilib, fikir mübadiləsi aparılıb.

Qeyd edək ki, olimpiada 2024-cü il 26 iyul - 11 avqustda olacaq.