Avstriya millisinin futbolçusunda xərçəng aşkar edilib

Avstriya millisinin futbolçusu Ştefan Laynerdə xərçəng aşkar edilib.

“QELEBE.AZ” xəbər verir ki, bu barədə 31 yaşlı müdafiəçinin formasını geyindiyi Almaniyanın “Borussiya” (Mönxenqladbax) klubu məlumat yayıb.

Bildirilib ki, tibbi müayinə zamanı sağ cinah oyunçusunun lenf xərçənginə yoluxduğu müəyyənləşib. Bu üzdən Layner uzun müddət yaşıl meydanlardan kənarda qalacaq. Onun bir neçə ay müalicə alacağı vurğulanıb.

Həkimlər hesab edirlər ki, xəstəlik erkən aşkar edildiyindən, Laynerin müalicə ilə sağlamlığına qovuşmaq şansı yüksəkdir.

Qeyd edək ki, Ştefan Layner 2019-cu ildən Mönxenqladbax “Borussiya”sının formasını geyinir.