Ukrayna klubu Çempionlar Liqası oyunlarını Almaniyada keçirəcək
https://qalaba.az//uploads/photo/ukrayna-klubu-chempionlar-liqasi-oyunlarini-almaniyada-kechirecek.webp
Ukraynanın "Şaxtyor" klubu UEFA Çempionlar Liqasındakı ev matçlarını Almaniyada keçirəcək.
"QELEBE.AZ" "Bild" nəşrinə istinadən xəbər verir ki, Donetsk təmsilçisi qarşılaşmaları Hamburqdakı "Volksparkstadion"da oynamağa razılaşıb.
Arena II Bundesliqada mübarizə aparan "Hamburq" klubuna məxsusdur. Stadion sonuncu dəfə 2006-cı ildə qitənin bir nömrəli klub turnirinə ev sahibliyi edib.
Qeyd edək ki, "Şaxtyor" ötən mövsüm Çempionlar Liqasındakı qrup görüşlərini Polşanın paytaxtı Varşavada keçirib.
