Sloveniya klubu "Qarabağ"la oyundan əvvəl futbolçu transfer edib

"Qarabağ"ın UEFA Avropa Liqasının pley-off mərhələsində rəqibi olan Sloveniyanın "Olimpiya" klubu heyətini yeni futbolçu ilə gücləndirib.

"QELEBE.AZ" Lyublyana təmsilçisinin rəsmi feysbuk səhifəsinə istinadən xəbər verir ki, ölkə çempionu Albaniya "Eqnatiya"sından Redi Kasanı transfer edib.

İtaliya "Parma"sının yetirməsi olan 22 yaşlı hücumçu icarəyə götürülüb.

Qeyd edək ki, "Qarabağ" səfərdəki ilk matçda rəqibini iki cavabsız qolla üstələyib. Cavab görüşü avqustun 31-də Bakıda olacaq.