İtaliya klubunun həndbolçusu: "Kür"ə qalib gəlsək də, bəzi şeyləri düzəltməliyik"

"Qələbə qazansaq da, bəzi şeyləri düzəltməliyik".

"Report"un Mingəçevirə ezam olunmuş əməkdaşı xəbər verir ki, bunu İtaliyanın "Jomi Salerno" klubunun həndbolçusu Martina De Santis "Kür"ə 36:19 hesabı ilə qalib gəldikləri Avropa Kubokunun 1/32 final mərhələsinin cavab matçından sonra jurnalistlərə açıqlamasında deyib.

Oyunçu Mingəçevirə səyahətlərinin bir az uzun çəkdiyini bildirib: "Amma bizim üçün xoşdur. Hələlik növbəti rəqibin hansı kolleltiv olduğunu bilmirik. Amma kimliyindən asılı olmayaraq qələbə barədə düşünəcəyik və bacardığım qədər yaxşı oynamağa çalışacağıq".