“Barselona” 15 yaşlı futbolçusu ilə müqaviləni yeniləyib

İspaniyanın “Barselona” klubu Lamin Yamalla müqaviləni yeniləyib.

“Report” xəbər verir ki, kataloniyalılar bununla bağlı rəsmi “X” səhifəsi vasitəsilə paylaşım ediblər.

Bildirilib ki, 16 yaşı hələ tamam olmayan vinger La Liqa çempionu ilə sözləşməsinin müddətini 2026-cı ilin yayına qədər uzadıb. Müqavilədə yer alan bəndə əsasən, futbolçunun sərbəst qalma məbləği 1 milyard avro olacaq.

Qeyd edək ki, Lamin Yamal cari mövsüm İspaniya çempionatında keçirdiyi 8 oyunda 1 məhsuldar ötürmə verib.