"Sabah"ın legioner futbolçuları milli komandalarına dəvət alıblar
https://qalaba.az//uploads/photo/sabahin-legioner-futbolchulari-milli-komandalarina-devet-aliblar.webp
"Sabah" klubunun futbolçuları Davit Volkov, Vinsent Till və Jarl Marqarita öz ölkələrinin milli komandalarına dəvət alıblar.
"Report" paytaxt təmsilçisinin mətbuat xidmətinə istinadən xəbər verir ki, Volkov Gürcüstan, Till Lüksemburq, Marqarita isə Kurasao yığmasına cəlb edilib.
Qeyd edək ki, Gürcüstan yığması oktyabrın 12-də yoldaşlıq oyununda Tailand, bundan üç gün sonra isə AVRO-2024-ün seçmə mərhələsində Kipr ilə üz-üzə gələcək.
Lüksemburq AVRO-2024-ün seçmə mərhələsində oktyabrın 13-də səfərdə İslandiya, 16-da evdə Slovakiya ilə görüşəcək. Kurasao yğması isə KONKAKAF Millətlər Liqasında oktyabrın 14-də evdə Panama, bundan 4 gün sonra Trinidad və Tobaqo ilə qarşılaşacaq.
