NBA çempionu olmuş serbiyalı məşhur basketbolçu karyerasını bitirir

Serbiyalı məşhur basketbolçu Nemanya Byelitsa karyerasını bitirmək qərarına gəlib.

"Report" yerli "Telesport" nəşrinə istinadən xəbər verir ki, 35 yaşlı oyunçu zədələr səbəbindən bu addımı atıb.

Qeyd edək ki, Nemanya Byelitsa son olaraq ölkəsində “Srvena Zvezda”nın formasını geyinib. 2022-ci ilin yayında Türkiyənin "Fənərbağça" klubuna keçən basketbolçu baldırından ciddi zədə aldığı üçün İstanbul təmsilçisinin heyətində bu ilin martında meydançaya çıxa bilib.

Milli Basketbol Assosiasiyasında (NBA) müxtəlif komandalarda da oynayan Byelitsa 2022-ci ildə "Qolden Steyt"lə çempion olub. O, Serbiya millisi ilə 2009-cu ildə Avropa, 2014-cü ildə isə dünya çempionatında gümüş medal qazanıb.