Messi karyerasında ən yaddaqalan qolunu açıqlayıb
https://qalaba.az//uploads/photo/messi-karyerasinda-en-yaddaqalan-qolunu-achiqlayib.webp
ABŞ-nin "İnter Mayami" klubunun hücumçusu Lionel Messi 2011-ci ildə Çempionlar Liqasının yarımfinalında "Barselona"nın "Real"a vurduğu qolu karyerasında ən yaddaqalan qol olduğunu deyib.
"Report" xəbər verir ki, Messinin sözləri "Qızıl top"un X sosial şəbəkəsindəki hesabında paylaşılıb.
“Mən həmişə deyirəm ki, vacib qollar Çempionlar Liqasının finalında, Dünya Kubokunun finalında vurulan qollardır. Həmişə xatırladığım qol Çempionlar Liqasının yarımfinalında "Real Madrid"ə 2:0 hesabı ilə qalib gəldiyimiz zaman vurduğumuz qoldur”, - Messi qeyd edib.
Oktyabrın 30-da Messi səkkizinci dəfə "Qızıl top"u qazanıb. Messi karyerası ərzində 2009, 2010, 2011, 2012, 2015, 2019 və 2021-ci illərdə “Qızıl top”un sahibi olub.
