Fərid Qayıbov: “Beynəlxalq turnirin davamlı olması barədə müzakirələr aparılıb”

“Badminton üzrə beynəlxalq turnirin davamlı olması barədə müzakirələr aparılıb”.

“QELEBE.AZ” xəbər verir ki, bunu gənclər və idman naziri Fərid Qayıbov Şamaxı İdman Olimpiya Kompleksində keçirilən Ümummilli Lider Heydər Əliyevin 100 illik yubileyinə həsr olunmuş Türkdilli Dövlətlərin beynəlxalq badminton turniri ilə bağlı jurnalistlərə açıqlamasında deyib.

Nazir turnirin baş tutmasına görə, Azərbaycan Badminton Federasiyasının rəhbərliyinə təşəkkürünü bildirib: “Bayram günündə burada olmaq, belə bir yarışı keçirmək xoşdur. Türkdilli Dövlətlərin idman nazirlərinin görüşü də keçirilir. Azərbaycan Badminton Federasiyası ilə birgə qərara gəldik ki, bu görüş zamanı belə bir yarışı təşkil edək, Türkdilli dövlətlərin gənc idmançılarını bir araya gətirək”.

Qeyd edək ki, Azərbaycan, Türkiyə, Qazaxıstan, Özbəkistan və Qırğızıstan badmintonçularının iştirakı ilə keçirilən turnir 5 kateqoriya üzrə olub.