Lüksemburqda Azərbaycan millisinin üzvlərinə danışılmış oyunlarla bağlı seminar keçirilib
https://qalaba.az//uploads/photo/luksemburqda-azerbaycan-millisinin-uzvlerine-danishilmish-oyunlarla-bagli-seminar-kechirilib.webp
Avropa çempionatının seçmə mərhələsində iştirak etmək üçün Lüksemburqda olan 19 yaşadək futbolçulardan ibarət Azərbaycan milli komandasının üzvlərinə danışılmış oyunlarla bağlı maarifləndirici seminar keçirilib.
"QELEBE.AZ" AFFA-nın rəsmi saytına istinadən xəbər verir ki, Lüksemburqda, “Park Otel”in iclas zalında təşkil edilən iclasda UEFA-nın danışılmış oyunlarla bağlı Azərbaycan üzrə nümayəndəsi Seymur Səlimli “Danışılmış oyun haqqında nələri bilməliyik?” və “Bizim hədəfimiz sizi və futbolumuzu qorumaqdır” mövzularında mühazirə oxuyub, maarifləndirici və hesabat xarakterli təqdimatlar edib.
Seminarda "Danışılmış oyunlar"a qarşı mübarizə mövzusunda əhəmiyyətli məsələlər müzakirə olunub, təcrübə mübadiləsi aparılıb.
Danışılmış oyunların yerli və beynəlxalq nümunələri seminar iştirakçılarına təqdim edilib. İdman Yarışlarının Manipulyasiyası haqqında Konvensiya, Azərbaycan Respublikasının Cinayət Məcəlləsinə, Bədən Tərbiyəsi və İdman haqqında Azərbaycan Respublikasının Qanununa bir sıra əlavə və dəyişikliklər, eləcə də İntizam Komitəsinin İntizam Məcəlləsinə edilmiş əlavə və dəyişikliklər haqqında seminar iştirakçılarına məlumat verilib.
