“Sevilya” baş məşqçisini istefaya göndərib

“Sevilya” baş məşqçisi Xulen Lopeteqini istefaya göndərib.

Apasport.az xəbər verir ki, bunu İspaniya klubu rəsmi saytı vasitəsilə açıqlayıb.

Çempionlar Liqasının qrup mərhələsinin III turunda Dortmund “Borussiya”sına evdə böyükhesablı məğlubiyyət (1:4) 56 yaşlı çalışdırıcının işinə son verilməsi ilə nəticələnib. Lopeteqi 2019-cu ildən bəri “Sevilya”ya başçılıq edib. Onun rəhbərliyi altında komanda 2019/20 mövsümündə Avropa Liqasını qazanıb.

Qeyd edək ki, “Sevilya” bu mövsüm 1996/97 mövsümündən bəri ən uğursuz start nəticəsini göstərib. Yeddi turda 5 xal toplayan əndəlüs təmsilçisi La Liqada 17-ci pillədə qərarlaşır.