"Neftçi"nin futbolçusu: "Bu qarşılaşma Rusiya klubuna da xeyir verəcək"

"Bu qarşılaşma Rusiya klubuna da xeyir verəcək. Çünki sanksiyalar səbəbindən beynəlxalq arenadan kənarda qalıblar".

"Report"un məlumatına görə, bunu "Neftçi"nin futbolçusu Reziuan Mirzov Rusiyanın "Zenit" komandasına qarşı Bakıda keçirəcəkləri yoldaşlıq oyunundan əvvəl təşkil olunan mətbuat konfransında deyib.

30 yaşlı rusiyalı yarımmüdafiəçi güclü rəqibə qarşı oynayacaqlarını bildirib: "Bu cür kollektivə qarşı oynamaq bəzən bir həftəlik məşqə bərabər olur".

Qeyd edək ki, noyabrın 18-də "Neftçi Arena"da baş tutacaq qarşılaşma saat 21:00-da start götürəcək.