PFL rəsmisi: "Sumqayıt şəhər stadionu ilə bağlı qeydlərimiz klub rəsmilərinə çatdırılıb"

"Mehdi Hüseynzadə adına Sumqayıt şəhər stadionunda oyun keçirilməsi üçün müəyyən qeydlərimiz olub və bunlar klub rəsmilərinin diqqətinə çatdırıb".

Bunu "Report"a açıqlamasında Peşəkar Futbol Liqasının (PFL) media və marketinq direktoru Sənan Abdullayev deyib.

PFL rəsmisi "Sumqayıt" klubunun ev matçlarının bu arenada təşkili üçün quruma müraciət etdiyini xatırladıb.

Abdullayev məhz buna əsasən idman obyektinə baxış keçirdiklərini diqqətə çatdırıb.

Qeyd edək ki, PFL Azərbaycan Premyer Liqasında 2023/2024 mövsümünün növbəti 5 turunun oyun cədvəlini açıqlayıb. Proqrama əsasən, "gənclik şəhəri" təmsilçisinin ev qarşılaşmaları ilin sonuna qədər "Kapital Bank Arena"da keçiriləcək.