Azərbaycan millisinin Belçika ilə oyun ərəfəsində son məşqinin vaxtı müəyyənləşib

Azərbaycan millisinin AVRO-2024-ün seçmə mərhələsində Belçika ilə keçirəcəyi oyun ərəfəsində son məşqinin vaxtı müəyyənləşib.

“QELEBE.AZ”un məlumatına görə, yığma bu gün Bakı vaxtı ilə saat 21:00-da “Edmond Machtens” stadionunda məşqə çıxacaq.

Bundan yarım saat əvvəl baş məşqçi Canni De Byazinin mətbuat konfransı təşkil olunacaq.

Meydan sahibləri isə son hazırlıqlarını Bakı vaxtı ilə saat 13:00-da keçirəcəklər. İki saat sonra isə baş məşqçi Domeniko Tedesko media nümayəndələrinin suallarını cavablandıracaq.

Qeyd edək ki, noyabrın 19-da Brüssel şəhərindəki “Kinq Baudouin” stadionunda keçiriləcək Belçika – Azərbaycan oyunu Bakı vaxtı ilə saat 21:00-da başlayacaq.