"Liverpul"un "Mançester Yunayted"lə oyununda azarkeş rekordu qeydə alınıb
https://qalaba.az//uploads/photo/liverpulun-manchester-yunaytedle-oyununda-azarkesh-rekordu-qeyde-alinib.webp
İngiltərə Premyer Liqasının XVII turunda keçirilmiş "Liverpul" - "Mançester Yunayted" oyununu 57158 azarkeş tribunadan izləyib.
"Report" BBC-yə istinadən xəbər verir ki, bu, son 60 ildə "Enfild" stadionunda keçirilən matçlarda ən yüksək göstərici hesab edilir.
Son olaraq 1963-cü ildə FA kubokunun "Liverpul" - "Bernli" görüşündə daha çox fanat olub.
"Mançester Yunayted"lə qarşılaşma həmçinin "Liverpul" tarixində İngiltərə çempionatında tərəfdar sayına görə üçüncüdür.
Qeyd edək ki, oyun 0:0 hesabı ilə başa çatıb.
