Şahin Bağırov: "Heç bir komandaya qarşı ayrı-seçkilik etmirik"
https://qalaba.az//uploads/photo/shahin-bagirov-hech-bir-komandaya-qarshi-ayri-sechkilik-etmirik.webp
"Heç bir komandaya qarşı ayrı-seçkilik etmirik".
"QELEBE.AZ"un məlumatına görə, bunu Azərbaycan Voleybol Federasiyasının prezidenti Şahin Bağırov qurumun 2023-cü ildəki fəaliyyətinə həsr olunmuş mətbuat konfransında "Xarı Bülbül" klubunun üzləşdiyi maliyyə problemi ilə bağlı danışarkən deyib.
O bildirib ki, federasiyaların əsas məqsədi komandalara dəstək göstərməkdir: "Xarı Bülbül" komandasının yaxşı tarixçəsi var. Federasiyanın mövqeyi bəllidir. Hər komanda çempionatın əvvəlində mövsümə hazır olmalıdır. Yüksək Liqada oynayan kollektivlərə şərait yaradırıq. Bəzi işlərdə kömək göstəririk. Amma iqtisadi məsələləri özləri planlaşdırırlar".
Vitse-prezident Bəhruz Quliyev isə "Xarı Bülbül" klubunun mövsümün əvvəlində onlara təsdiqedici sənəd təqdim etdiyini söyləyib: "Biz öz gücümüzdən istifadə edərək müəyyən kömək göstəririk".
