Türkiyə Superkuboku: "Qalatasaray" - "Fənərbağça" matçı təxirə salınıb - YENİLƏNİB

Türkiyə Futbol Federasiyası (TFF) "Qalatasaray" və "Fənərbağça" komandaları arasında oynanılması planlaşdırılan ölkə Superkuboku ilə bağlı açıqlama yayıb.

"Report"un məlumatına görə, TFF qarşılaşmanın təxirə salındığını bildirib.

"Qalatasaray" və "Fənərbağça" komandaları arasında oynanılması planlaşdırılan Türkiyə Superkuboku ləğv edilib.

"Report" xəbər verir ki, bu barədə "NTV Spor" məlumat yayıb.

Hər iki komanda Səudiyyə Ərəbistanındakı görüşdə stadiona getməyib. Buna səbəb Səudiyyə Ərəbistanının daha əvvəl qarşılaşma ilə bağlı bir neçə tələb irəli sürməsi olub.

Qeyd edək ki, qarşılaşma Bakı vaxtı ilə saat 21:45-də başlamalı idi.