Futzal üzrə Azərbaycan Kubokunda iştirak edəcək komanda sayı müəyyənləşib

Futzal üzrə Azərbaycan Kubokunun 2023/2024 mövsümündə iştirak edəcək komandaların sayı müəyyənləşib.

“Report”un Azərbaycan Futzal Federasiyasının mətbuat xidmətinə istinadən məlumatına görə, turnirdə 16 klub mübarizəyə qoşulacaq.

Yanvarın 17-də baş tutacaq püşkatma mərasimində 1/8 final mərhələsinin cütləri bilinəcək. Bakı İdman Sarayında keçiriləcək tədbir saat 12:00-da başlayacaq.

İştirakçı komandalar “Araz-Naxçıvan”, “Neftçi” İK, “Baku Fire”, “Record club”, “Yasamal Bakı”, U-19, “Bakı”, “Baku Fire-2”, PFL, “Xan-Lənkəran”, “STAR kargo”, “Dalğa”, “Timsport”, “Trabzon Azərbaycan”, “Dəstə Ordubad” və “Metropoliten” olacaqlar.

1/8 final oyunları fevralın 10-11-də keçiriləcək. Hər mərhələ bir görüşdən ibarət olacaq.