Azərbaycan Ağırlıqqaldırma Federasiyasının rəhbərliyi Özbəkistan millisinin Bakıdakı məşqini izləyiblər
https://qalaba.az//uploads/photo/azerbaycan-agirliqqaldirma-federasiyasinin-rehberliyi-ozbekistan-millisinin-bakidaki-meshqini-izleyibler.webp
Azərbaycan Ağırlıqqaldırma Federasiyasının prezidenti Kamran Nəbizadə və vitse-prezident Firdovsi Umudov Bakıda təlim-məşq toplanışında olan Özbəkistan millisinin məşqini izləyiblər.
"QELEBE.AZ" xəbər verir ki, onlar "ASK Arena"dakı yeni bazada hazırlıq keçən Asiya təmsilçisini ziyarət ediblər.
Özbəklər ölkəmizə 14 ağırlıqqaldıranla gəliblər. Onlar arasında Ruslan Nurudinov və Əkbər Curayev də var. Nurudinov Rio-2016, Curayev isə Tokio-2020 Yay Olimpiya Oyunlarının qalibidir.
Özbəkistan millisinin Bakıda təlim-məşq toplanışı keçməsində məqsəd fevralda baş tutacaq Asiya çempionatına və yayda təşkil olunacaq Paris-2024 Yay Olimpiya Oyunlarına hazırlaşmaqdır.
