DÇ–2026-nın final matçının keçiriləcəyi yer məlum olub

2026-cı ildə keçiriləcək futbol üzrə dünya çempionatının final oyunu ABŞ-nin Nyu-Cersi ştatında yerləşən İst-Ruterford şəhərində keçiriləcək.

Bu barədə “QELEBE.AZ” xarici mətbuata istinadən xəbər verir.

Kubok uğrunda görüş matç iyulun 19-da “MetLife Stadium”da baş tutacaq. Final qarşılaşmasına 82,5 min tamaşaçı qatılacaq - bu, arenanın yerləşə biləcəyi qədərdir. Üçüncü yer uğrunda oyun Mayamidə, 64 767 tamaşaçı tutumuna malik “Hard Rock Stadium”da keçiriləcək.

Dünya çempionatı Meksika millisi ilə açılacaq. Komanda açılış matçını iyunun 11-də Mexikodakı 87 523 tamaşaçı tutumuna malik “Azteca” stadionunda keçirəcək. Turnirin ev sahibi ölkənin rəqibi daha sonra müəyyənləşəcək.

2026-cı ildə keçiriləcək futbol üzrə dünya çempionatına üç ölkə - Meksika, ABŞ və Kanada ev sahibliyi edəcək. Meksika üçüncü dəfədir ki, öz ərazisində belə bir turnirə ev sahibliyi edir, buna qədər oyunlar 1970 və 1986-cı illərdə keçirilib. Bu, Kanada üçün ilk Dünya Kuboku olacaq; oyunlar Vankuver və Torontoda keçiriləcək.

2026-cı il dünya çempionatı ilk dəfə 48 milli komandanın (əvvəllər 32 komanda var idi) iştirakı ilə keçiriləcək. Turnirdə ümumilikdə 104 qarşılaşma baş tutacaq.

Hazırkı dünya çempionu Argentina millisidir.