Azərbaycan Kuboku: A qrupunda növbəti iki oyun keçirilib
https://qalaba.az//uploads/photo/azerbaycan-kuboku-a-qrupunda-novbeti-iki-oyun-kechirilib.webp
"Sərhədçi" İdman Mərkəzində basketbol üzrə Azərbaycan Kubokunun A qrupunda növbəti iki oyun keçirilib.
"QELEBE.AZ" xəbər verir ki, günün ilk oyunu "Sumqayıt" və "Cəlilabad" komandaları arasında baş tutub.
Bu görüş "Cəlilabad" klubunun 90:76 hesablı qələbəsi ilə yekunlaşıb. Ən məhsuldar basketbolçular "Sumqayıt"dan Tay Rendal (19 xal, 4 asist), "Cəlilabad"dan Zaur Paşayev (19 xal, 8 ribaund) olublar.
Günün ikinci oyununda kuboka yaxşı start verən iki klub - "Neftçi" və "Xırdalan" üz-üzə gəliblər. Matçı 80:68 hesabı ilə qalib tamamlayan "Neftçi" A qrupunda "Xəzri" ilə xallarının sayını (4) bərabərləşdirib.
Ən məhsuldar basketbolçular "Neftçi"dən Ceyms Haforn (13 xal, 3 ribaund), "Xırdalan"dan Cakori Arçi (27 xal, 5 ribaund) olublar.
