Azərbaycan millisinin məşqçisi: Yay Olimpiya Oyunlarına lisenziya qazanmağa çalışırıq

Yay Olimpiya Oyunlarına lisenziya qazanmağa çalışırıq. Nikita Simonovun halqalarla hərəkətdə bunu bacaracağına inanırıq.

"Report" xəbər verir ki, bunu jurnalistlərə açıqlamasında idman gimnastikası üzrə kişilərdən ibarət Azərbaycan millisinin məşqçisi Eldar Səfərov deyib.

Mütəxəssis Nikita Simonovun Almaniyadakı Dünya Kubokunda qızıl medal əldə etdiyini xatırladıb: Gündə iki dəfə məşq edirik. İdmançılar nəzarətimiz altındadırlar. Bakıda da Nikitadan qızıl medal gözləyirik. Çətin mübarizə olacaq. Məşqləri davam etdiririk və ciddi hazırlaşırıq. Daha sonra Qətərin paytaxtı Dohada Dünya Kuboku təşkil olunacaq".

Qeyd edək ki, Dünya Kuboku martın 7-10-da Milli Gimnastika Arenasında keçiriləcək.