"Qarabağ"ın rəqibi türkiyəli futbolçunu icarəyə götürmək istəyir

"Qarabağ"ın UEFA Avropa Liqasının 1/8 final mərhələsindəki rəqibi Almaniyanın "Bayer 04" klubu heyətini yeni futbolçu ilə gücləndirmək istəyir.

"Report" "Goal.com" nəşrinə istinadən xəbər verir ki, Leverkuzen təmsilçisi İspaniyanın "Real" komandasında çıxış edən türkiyəli Arda Gülərlə maraqlanır.

Bundesliqanın lideri 19 yaşlı yarımmüdafiəçini icarəyə götürmək istəyir. Oyunçu İngiltərənin "Tottenhem" klubunun da diqqət mərkəzindədir.

Qeyd edək ki, Arda Gülər ötən yay “Fənərbağça”dan “Real”a transfer olunub.