BMT 25 mayı Ümumdünya Futbol Günü elan edib

BMT Baş Assambleyası 25 may tarixini Ümumdünya Futbol Günü elan olunması barəsində qətnamə qəbul edib.

"Report"un ABŞ bürosu xəbər verir ki, qətnamə layihəsi BMT-yə üzv olan 70-dən çox dövlət tərəfindən dəstəklənib.

Qətnamədə futbolun qlobal əhatə dairəsi və onun ticarət, sülh və diplomatiya da daxil olmaqla həyatın müxtəlif sahələrinə təsiri, idmanın əməkdaşlıq məkanı üçün sahib olduğu güc öz əksini tapıb.

Sənəd, həmçinin BMT-nin Dayanıqlı İnkişaf Məqsədləri (DİM) üçün futbol təşəbbüsünü dəstəkləyib.