Hidayət Heydərov: Elnur Məmmədli olmasaydı, qızıl medal qazana bilməzdim

Elnur Məmmədli olmasaydı, qızıl medal qazana bilməzdim.

Bunu "Report"a açıqlamasında Birləşmiş Ərəb Əmirliklərinin paytaxtı Əbu-Dabidə keçirilən yarışda dünya çempionu olan Azərbaycan cüdoçusu Hidayət Heydərov (73) deyib.

26 yaşlı idmançı ona inandığı üçün Elnur Məmmədliyə xüsusi təşəkkür edib: "Hər an mənə güvəndi. Bunu əminliklə deyirəm. O olmasaydı, bu dəqiqə dünya çempionu deyildim".

H.Heydərov Elxan Məmmədovdan sonra ölkəmizdə kişilər arasında bu titula sahib çıxan ilk cüdoçu olduğunu xatırladıb: "Tarix yazdım. Arxayınlaşmaq olmaz. Olimpiadada qızıl medal qazanmaq lazımdır. Bu cür finaldan sonra belə qələbə çox gözəl oldu. Bu hissi yaşamaq lazımdır. İnanıram ki, cüdoda Azərbaycanın ilk dünya, Avropa və olimpiya çempionu olacağam".

Qeyd edək ki, Azərbaycan Cüdo Federasiyasının vitse-prezidenti olan Elnur Məmmədli (73 kq) 2008-ci ildə Pekin Yay Olimpiya Oyunlarının qızıl medalını qazanıb.