"Sabah"ın baş məşqçisi: Çempion olduğumuz üçün çox şadam

Çempion olduğumuz üçün çox şadam.

“Report” xəbər verir ki, bunu “Xəzri”yə (74:69) qalib gələrək Azərbaycan Baketbol Liqasında çempion olan “Sabah”ın baş məşqçisi Rimas Kurtinaytis deyib.

64 yaşlı litvalı mütəxəssis görüşün gərgin mübarizə şəraitində keçdiyini bildirib: “Xəzri" güclü komandadır. Onları çətinliklə məğlub etdik. Hər iki komandanın ifasında gərgin oyun izlədik. Komandama qalib gəldikləri üçün öz təşəkkürümü bildirirəm.
Cari mövsüm çox çətin keçdi. Komandalar ildən-ilə gücünü artırır. Çempion olduğumuz üçün çox şadam".

Qeyd edək ki, Azərbaycan Basketbol Liqasının final seriyasının dörcüncü görüşündə “Xəzri” üzərində ardıcıl 3-cü qələbəsini qazanan “Sabah” qızıl medallara sahib çıxıb.