Kristof Daum xərçəng xəstəliyinə tutulub

“Fənərbaxça” və “Beşiktaş”ın sabiq baş məşqçisi Kristof Daum xərçəng xəstəliyinə tutulub.

Apasport.az saytının məlumatına görə, bunu almaniyalı mütəxəssis özü açıqlayıb.

69 yaşlı məşqçi bu yaxınlarda tibbi müayinə zamanı onda xərçəng xəstəliyi aşkarlandığını, lakin müayinənin uğurla davam etdiyini söyləyib.

Qeyd edək ki, Kristof Daum məşqçilik karyerası ərzində 1991/92 mövsümündə “Ştutqart”ı Almaniyada, 1994/95 mövsümündə “Beşiktaş”ı Türkiyədə, 2002/03 mövsümündə “Austriya”nı Avstriyada, 2003/04 və 2004/05 mövsümlərində isə “Fənərbaxça”nı Türkiyədə çempion edib.