Azərbaycan Basketbol Liqasında komanda sayı artırılacaq

Azərbaycan Basketbol Liqasında komanda sayı artırılacaq.

"QELEBE.AZ"un Qəbələyə ezam olunan əməkdaşı xəbər verir ki, bu barədə Azərbaycan Basketbol Federasiyasının icraçı direktoru Anar Rza jurnalistlərə açıqlamasında bildirib.

O, turnirə iki yeni komandaların qoşulacağını və sayın 12-yə çatdırılacağını vurğulayıb: "Bunların hansı kollektivlər olacağı hələlik bəlli deyil. İyunun 5-də federasiya rəhbərliyi klublarla görüşəcək. Orada bu məsələlər müzakirə ediləcək. Legioner limiti ya "3+2", ya da "4+1" olacaq. Klub sayı artsa, birinci liqa da yaradıla bilər. İyunun 5-dən sonra daha dəqiq nəsə deyə bilərik".

Qeyd edək ki, Azərbaycan Basketbol Liqasının 2023/2024 mövsümünün qalibi "Sabah" olub.