Luçano Spaletti: Oyun boyu tez-tez fikrimizi dəyişirdik
https://qalaba.az//uploads/photo/luchano-spaletti-oyun-boyu-tez-tez-fikrimizi-deyishirdik.webp
Oyun boyu tez-tez fikrimizi dəyişirdik.
"QELEBE.AZ" xəbər verir ki, bunu İtaliya millisinin baş məşqçisi Luçano Spaletti Albaniya ilə keçirilən AVRO-2024-ün qrup mərhələsinin I turunun oyunundan sonra baş tutan mətbuat konfransında deyib.
65 yaşlı mütəxəssis görüş ərzində daha çox qol vurmaq imkanlarının olduğunu bildirb: "Qarşılaşma ərzində bir çox maraqlı məqamlar yaşandı. Lakin mövcud vəziyyət bizi uğura aparmırsa, yaşananlar mənasız olaraq qalır. Rəqibi cəzalandırmaq üçün bir neçə şansımız oldu, amma yararlana bilmədik. Oyun boyu tez-tez fikrimizi dəyişirdik. Geriyə doğru ötürmələrdə səhvə yol verirdik. Bu yığmanın 26 futbolçusu var və hər biri lazımlı oyunçudur".
Qeyd edək ki, Almaniyada təşkil olunan AVRO-2024-ün B qrupunun ikinci matçında İtaliya Albaniya yığmasına 2:1 hesabı ilə qalib gəlib.
