"Sumqayıt"ın sabiq kapitanı: Futbolçuların xarakterini bilirəm, hər biri oyuna maksimum güclə hazırlaşacaq

"Sumqayıt" futbolçularının xarakterini bilirəm, hər biri oyuna maksimum güclə hazırlaşacaq.

Bunu "QELEBE.AZ"a açıqlamasında "Sumqayıt" klubunun sabiq kapitanı Vurğun Hüseynov deyib.

"Kəpəz"in hazırkı üzvü "gənclik şəhəri" təmsilçisinin UEFA Konfrans Liqasının II təsnifat mərhələsində bu gün üz-üzə gələcəyi "Fehervar"la (Macarıstan) matç barədə danışıb:

"Sumqayıt" ilk görüşdə məğlub olsa da, pis çıxış etmədi. Murad Xaçayevin qırmızı vərəqə almasından sonra işlər dəyişdi. Səfər matçı daha çətin olacaq. İnşallah, uğurlu nəticə əldə edərlər. Buna inanıram. "Sumqayıt" futbolçularının xarakterini bilirəm, hər biri oyuna maksimum güclə hazırlaşacaqlar. Ümid edirəm ki, istədikləri nəticəni qazanacaqlar".

Qeyd edək ki, bu gün baş tutacaq "Fehervar" - "Sumqayıt" matçı Bakı vaxtı ilə saat 21:00-da keçiriləcək. Sumqayıtda gerçəkləşən ilk matçda meydan sahibləri 1:2 hesabı ilə məğlub olub.