İspaniyalı futbolçu: "Qarabağ"la oyunda qələbəyə layiq idik"

"Sonadək təslim olmadıq və layiqli qələbə qazandıq".

"QELEBE.AZ"un məlumatına görə, bunu "Nant"ın futbolçusu Pedro Çirivelya Fransada "Qarabağ"a 2:1 hesabı ilə qalib gəldikləri UEFA Avropa Liqasının qrup mərhələsinin V tur oyunundan sonra jurnalistlərə açıqlamasında deyib.

25 yaşlı yarımmüdafiəçi görüşdə çoxlu fiziki güc sərf etdiklərini bildirib. "Çünki "Qarabağ" çox yaxşı komandadır. Onlara qarşı mübarizə aparmaq çətindir. Topla oynamağı sevirlər və fiziki cəhətdən də güclüdürlər. Son dəqiqələrdə çox yorğun olsam da, qol vuranda sevincimdən dəli kimi qaçdım. Fevralda avrokubok həyəcanını yenidən yaşamaq istəyirik".