"Çelsi" futbolçuların satışından 200 milyon funt-sterlinq qazanmaq istəyir

İngiltərənin "Çelsi" klubu transfer dönəmi bağlanana qədər bir neçə futbolçunu satmağı planlaşdırır.

"Report" "Daily Mail"ə istinadən xəbər verir ki, londonlular bu keçidlərdən 200 milyon funt-sterlinq qazanacaqlarını gözləyirlər.

"Zadəganlar"ın yollarını ayırmaq istədiyi futbolçular Romelu Lukaku, Trevo Çabola, Armando Broya, Konor Qallager, Karni Çukvuemka, Ben Çiluell, Rahim Sterlinq (Joao Feliks transfer olunarsa), Noni Madueke, David Fofana, Başir Hampreys və Sezar Kasadeydir.

Qeyd edək ki, İngiltərə Premyer Liqasına avqustun 16-da start veriləcək.