Kevin De Bruyne İngiltərə Premyer Liqası tarixinin ən yaxşı yarımmüdafiəçisi seçilib
https://qalaba.az//uploads/photo/kevin-de-bruyne-ingiltere-premyer-liqasi-tarixinin-en-yaxshi-yarimmudafiechisi-sechilib.webp
"Mançester Siti" klubunun belçikalı yarımmüdafiəçisi Kevin De Bruyne İngiltərə Premyer Liqası tarixinin ən yaxşı yarımmüdafiəçisi seçilib.
"QELEBE.AZ" xəbər verir ki, bu barədə "FourFourTwo" portalı öz versiyasını açıqlayıb.
Səsvermənin nəticələrinə görə, ikinci pillədə "Liverpul"un keçmiş yarımmüdafiəçisi Stiven Cerrard qərarlaşıb. İngiltərə futbolunun digər məşhur siması, "Çelsi", "Vest Hem" və "Mançester Siti" kimi klubların formasını geyinmiş Frenk Lempard ilk "3-lüy"ü qapayıb.
Siyahıda həmçinin Pol Skoulz ("Mançester Yunayted"), Patrik Vieyra ("Arsenal", "Mançester Siti"), Roy Kin ("Mançester Yunayted", "Nottinqem Forest"), Rodri ("Mançester Siti"), Sesk Fabreqas ("Arsenal", "Çelsi"), Yaya Ture ("Mançester Siti") və David Silva ("Mançester Siti") yer alıb.
Qeyd edək ki, İngiltərə Premyer Liqasında 2024/2025 mövsümünə avqustun 16-da start verilib.
