Rüstəm Əfsərli: "Neftçi Arena" "Qarabağ"la oyuna qədər tam hazır olacaq

"Neftçi Arena" "Qarabağ"la oyuna qədər tam hazır olacaq.

"Report" xəbər verir ki, bunu "Neftçi"nin media üzrə koordinatoru Rüstəm Əfsərli mətbuat konfransında deyib.

O, "Neftçi Arena"nın ot örtüyü ilə bağlı vəziyyətə aydınlıq gətirib:

"Artıq baza istifadəyə verilib. Obyektin ikinci mərtəbəsində iş gedir. Media nümayəndələrini də oraya dəvət edəcəyik. "Neftçi Arena"nın ot örtüyünün durumu qənaətbəxş deyil. Stadion AFFA-nın balansındadır. Amma biz yatırım edirik. Hazırda ot örtüyü üzərində iş gedir. Ciddi irəliləyiş var. "Qarabağ"la oyuna qədər tam hazır olacaq. 2021-ci ildən sonra yalnız kiçik bərpa işləri olub. Təbii hava keçidi arenada yaxşı deyil. Yay aylarında ot örtüyündə problemlər yaşanır".