Azərbaycanın U-15 millisi UEFA İnkişaf Turnirində növbəti dəfə məğlub olub
15 yaşadək (U-15) qızlardan ibarət Azərbaycan millisi Belarusun paytaxtı Minskdə təşkil olunan UEFA İnkişaf Turnirində növbəti dəfə məğlub olub.
"Report"un məlumatına görə, yığma Belarus Futbol Federasiyasının Təlim-Məşq Mərkəzində Özbəkistanın müvafiq yaş qrupundan ibarət komandası ilə qarşılaşıb.
Görüş rəqibin 2:1 hesablı qələbəsi ilə yekunlaşıb. Millimizin heyətində qolu 76-cı dəqiqədə Könül Hüseynova vurub.
Qeyd edək ki, daha əvvəl Belarusa 1:8 hesabı ilə uduzan U-15 son oyununu sentyabrın 22-də Rusiya yığmasına qarşı keçirəcək.

https://qalaba.az//uploads/photo/azerbaycanin-u-15-millisi-uefa-inkishaf-turnirinde-novbeti-defe-meglub-olub.webp











