"Malmö"nün baş məşqçisi: "Qarabağ"a qalib gəlməyimiz komandamıza inamı və etibarı bir qədər də artırdı
https://qalaba.az//uploads/photo/malmonun-bash-meshqchisi-qarabaga-qalib-gelmeyimiz-komandamiza-inami-ve-etibari-bir-qeder-de-artirdi.webp
"Qarabağ"a qalib gəlməyimiz komandamıza inamı və etibarı bir qədər də artırdı.
"Report" xəbər verir ki, bunu "Qarabağ"ın UEFA Avropa Liqasının Liqa mərhələsindəki rəqibi "Malmö"nün (İsveç) baş məşqçisi Henrik Ryudström klubun mətbuat xidmətinə açıqlamasında deyib.
İsveç çempionatının XXVI turunda "Vernamu" ilə oyunöncəsi danışan mütəxəssis Ağdam təmsilçisi ilə matçda qalib gəlmək üçün böyük səy göstərdiklərini bildirib:
"Qarabağ"la matçda böyük səy göstərdik və nəticədə qalib gəldik. Bu qələbə özümüzə inamı bir qədər də artırdı. Avropa Liqasındakı qələbədən sonra bütün diqqətimizi "Vernamu" ilə görüşə yönəltmişik".
Qeyd edək ki, UEFA Avropa Liqasının Liqa mərhələsinin II turunda doğma meydanda "Malmö" ilə qarşılaşan Qurban Qurbanovun rəhbərlik etdiyi komanda 1:2 hesabı ilə uduzub.
