Füzuli Musayev: "Çalışırıq ki, Azərbaycan gəncləri sağlam idmançı ruhunda böyüsünlər"
https://qalaba.az//uploads/photo/fuzuli-musayev-chalishiriq-ki-azerbaycan-gencleri-saglam-idmanchi-ruhunda-boyusunler.webp
Çalışırıq ki, Azərbaycan gəncləri sağlam idmançı ruhunda böyüsünlər.
"QELEBE.AZ" xəbər verir ki, bunu Fövqəladə Hallar Nazirliyinin (FHN) İdman-sağlamlıq Klubunun rəisi, polkovnik Füzuli Musayev jurnalistlərə açıqlamasında deyib.
Hövsan qəsəbəsində yerləşən kluba təşkil olunan tur zamanı danışan qurum rəsmisi bu cür görüşlərin keçirilməsinin sevindirici olduğunu bildirib:
"Media nümayəndələri ilə görüş bizim üçün xoş oldu. Jurnalistlərin bu cür tədbirləri işıqlandırması sevindirici haldır. Mətbuat işçilərinin sayəsində bir çox uşaqların idmana həvəsi yaranacaq və onlar sizin çəkib göstərdiyiniz FHN-nin İdman-sağlamlıq Klubunun üzvü olmaq istəyəcəklər. Hər birimiz Azərbaycan dövlətinə və xalqına xidmət edirik. Çalışırıq ki, Azərbaycan gəncləri sağlam idmançı ruhunda böyüsünlər".
Qeyd edək ki, Fövqəladə Hallar Nazirliyinin İdman-sağlamlıq Klubu 2006-cı ildən fəaliyyətə başlayıb. 2018-ci ildə Prezident İlham Əliyevin iştirakı ilə klubun açılış mərasimi keçirilib.
