Bakıda yeniyetmə oğlanlar arasında cüdo üzrə "Təhsil" İdman Mərkəzinin Respublika Birinciliyi keçiriləcək
https://qalaba.az//uploads/photo/bakida-yeniyetme-oglanlar-arasinda-cudo-uzre-tehsil-idman-merkezinin-respublika-birinciliyi-kechirilecek.webp
18 yaşadək (U 18) yeniyetmə oğlanlar arasında cüdo üzrə "Təhsil" İdman Mərkəzinin Respublika Birinciliyi keçiriləcək.
"Report" xəbər verir ki, yarış Azərbaycan Cüdo Federasiyası və "Təhsil" Respublika İdman Mərkəzinin (RİM) birgə təşkilatçılığı ilə baş tutacaq.
Birincilikdə Bakı və regionlardan ümumilikdə 13 idman təşkilatının 170 cüdoçusu medallar uğrunda mübarizə aparacaq. Turnirdə 8 çəki dərəcəsində qaliblər bəlli olacaq.
Oktyabrın 22-dən 23-dək davam edəcək yarış “Zuğulba” tədris-idman bazasında reallaşacaq.
