Premyer Liqa: "Qarabağ" "Turan Tovuz"un qonağı olacaq

Bu gün futbol üzrə Misli Premyer Liqasının XII turunda "Qarabağ" "Turan Tovuz"un qonağı olacaq.

"Report"un məlumatına görə, görüş Tovuz şəhər stadionunda, saat 18:30-da start götürəcək.

Matçı FIFA referisi Əliyar Ağayev idarə edəcək. Rəqibindən bir oyun az keçirən Ağdam təmsilçisi 27 xalla liderdir. Meydan sahibləri 24 xalla ikinci pillədə qərarlaşıb.

Günün digər qarşılaşmasında "Neftçi" "Araz-Naxçıvan"ı qəbul edəcək. Bu oyun saat 20:30-da başlayacaq. Görüşün baş hakimi Rəşad Əhmədov olacaq.

Ehtiyatda daha bir matçı olan Naxçıvan klubu 21 xalla üçüncü, "ağ-qaralar" 9 xalla səkkizincidir.

Misli Premyer Liqası

II dövrə, XII tur

1 noyabr

18:30. “Turan Tovuz” – “Qarabağ”

Hakimlər: Əliyar Ağayev, Zeynal Zeynalov, Akif Əmirəli, Əli Əliyev.

VAR: Nicat İsmayıllı.

AVAR: Elşad Abdullayev.

Hakim-inspektor: Anar Salmanov.

AFFA nümayəndəsi: Azər Əsgərov.

Tovuz şəhər stadionu

20:30. “Neftçi” – “Araz-Naxçıvan”

Hakimlər: Rəşad Əhmədov, Kamran Bayramov, Müslüm Əliyev, Elvin Bayramov.

VAR: Fərid Hacıyev.

AVAR: Asiman Əzizli.

Hakim-inspektor: Ömər Paşayev.

AFFA nümayəndəsi: Bəhram Qurbanov.

"Neftçi Arena"

Qeyd edək ki, turun digər qarşılaşmaları noyabrın 2-3-də gerçəkləşəcək.