Serbiyalı basketbolçu NBA tarixində unikal rekorda imza atıb

"Denver" klubunun üzvü Nikola Yokiç ABŞ-nin Milli Basketbol Assosiasiyasının (NBA) tarixində unikal rekorda imza atıb.

"Report"un məlumatına görə, 29 yaşlı oyunçu buna "Minnesota"ya uduzduqları (116:119) qarşılaşmada nail olub.

Serbiyalı idmançı müntəzəm mövsümdə ilk beş görüşdə 152 xal, 58 ribaund və 50 məhsuldar ötürmə ilə yadda qalıb.

Beləliklə, Yokiç startdakı beş oyunda 150 xal, 50 ribaund və 50 assist həddinə çatan ilk basketbolçudur.

Qeyd edək ki, təcrübəli oyunçu son qarşılaşmada 26 xal, 9 ribaund və 13 məhsuldar ötürmənin müəllifi olub.