"Spartak"ın futbolçusu rekorda imza atıb

Moskvanın "Spartak" klubunun futbolçusu Manfred Uqalde Rusiya Premyer Liqasında rekorda imza atıb.

"Report" paytaxt təmsilçisinin mətbuat xidmətinə istinadən xəbər verir ki, kosta-rikalı hücumçu Rusiya çempionatları tarixində ardıcıl üç oyunda 8 qol vuran ilk futbolçu olub.

Bundan əvvəl İqor Simutenkov, Artyom Dzyuba, Vaqner Lav və artıq karyerasını bitirmiş Seydu Dumbiya ardıcıl üç matçda 7 qol vurmuşdu.

Qeyd edək ki, M.Uqalde 2024-cü ilin yanvarında "Spartak"a transfer olunub. Onun hazırkı müqaviləsinin müddəti 2028-ci ilin yayına qədərdir. 22 yaşlı oyunçu 21 matçda iştirak edib, 15 qol vurub və 3 məhsuldar ötürmə edib.