Həndbol üzrə Azərbaycan çempionatında II tura yekun vurulub

Kişi həndbolçular arasında Azərbaycan çempionatında II turun matçları keçirilib.

"Report"un məlumatına görə, növbəti oyun günündə meydana əvvəlcə “Bakı” və “Məhsul” komandaları çıxıblar. Görüşün əsas vaxtı heç-heçə ilə başa çatıb - 21:21.

Qalibi müəyyənləşdirən penaltilər seriyasında isə zərbələri daha dəqiq yerinə yetirən “Məhsul” son çempion üzərində ardıcıl ikinci qələbəsini rəsmiləşdirib - 25:24.

Günün digər oyunlarında “İdman Akademiyası” kollektivi RİOEUGİM komandasına 34:30, "Təhsil" isə "U-16"ya 46:22 hesabı ilə qalib gəlib.