Çempionlar Liqasında daha iki komanda növbəti mərhələ şansını itirib

UEFA Çempionlar Liqasında növbəti mərhələ şansını itirən daha iki komanda müəyyənləşib.

"QELEBE.AZ"un məlumatına görə, bu, Liqa mərhələsinin VI turunun oyunlarından sonra bəlli olub.

İspaniyada "Atletiko"ya 1:3 hesabı ilə uduzan Slovakiyanın "Slovan" klubu və Almaniyada “Ştutqart”a 1:5 hesabı ilə yenilən İsveçrənin "Yanq Boys” kollektivi Liqa mərhələsi ilə vidalaşıb.

Bütün görüşlərdə uduzan komandalar müvafiq olaraq 35 və 36-cı pillələrdə qərarlaşıblar.

Qeyd edək ki, daha əvvəl Almaniyanın "Leyptsiq" klubu növbəti mərhələ şansını itirib.