Azərbaycan millisinin üzvü: "Biz Moldova və Şimali Makedoniyadan daha güclüyük"

"Hər iki rəqibimiz yaxşı komandadır. Amma məncə, biz daha güclüyük və təbii ki, hər iki oyunda qalib gəlməliyik".

Bunu "Report"a müsahibəsində Azərbaycan millisinin və Təbrizin "Traktor" klubunun futbolçusu Höccət Haqverdi Moldova və Şimali Makedoniya yığmalarına qarşı keçirəcəkləri yoldaşlıq oyunları barədə danışarkən deyib.

29 yaşlı müdafiəçi bildirib ki, hər ikisi çox vacib görüşlərdir: "Gələn il bizi Avropa çempionatının seçmə mərhələ oyunları gözləyir. İndidən hazır olmalıyıq. Təyinatından asılı olmayaraq, bütün görüşlərə qələbə üçün çıxmalıyıq. Hazırda milli komandamızın çox yaxşı məşqçiləri və oyunçuları var".

Qeyd edək ki, noyabrın 16-da Moldovanın qonağı olacaq Azərbaycan millisi, bundan 4 gün sonra Skopyedə Şimali Makedoniya ilə üz-üzə gələcək.

Höccət Haqverdinin müsahibəsinin tam versiyasını buradan oxuya bilərsiniz.