Azərbaycanın daha bir ağırlıqqaldıranı beynəlxalq turnirdə medal qazanıb

Azərbaycanın daha bir ağırlıqqaldıranı Türkiyənin paytaxtı Ankarada keçirilən ağır atletika üzrə üçqat Olimpiya çempionu Naim Süleymanoğlunun xatirəsinə həsr olunmuş beynəlxalq turnirdə medal qazanıb.

Azərbaycan Ağır Atletika Federasiyasından "QELEBE.AZ"a verilən məlumata görə, 67 kq çəki dərəcəsində çıxış edən Tehran Məmmədov birdən qaldırmada 126 kq-ı ram edərək, bu hərəkətdə fəxri kürsünün ikinci pilləsinə qalxıb.

İdmançı təkanla qaldırmada 147 kq nəticə ilə həm bu hərəkətdə, həm də toplamda 273 kq (126+147) ilə 4-cü pillədə qərarlaşıb.

Daha əvvəl qadınlardan Nazilə İsmayılova 3 bürünc medal əldə edib. 49 kq-da yarışan idmançı həm birdən, həm təkanla qaldırma, həm də toplamda ikinci yeri tutub.

Qeyd edək ki, 17-dək davam edəcək yarışda 16 ölkədən 72 atlet qüvvəsini sınayır.