"Sumqayıt"ın baş məşqçisi: "Maraqlı və gərgin oyuna şahidlik etdik"

Maraqlı və gərgin oyuna şahidlik etdik.

"Report" xəbər verir ki, bunu "Sumqayıt"ın baş məşqçisi Vaqif Cavadov "Kəpəz"ə qarşı Misli Premyer Liqasının XVIII turunun oyunundan sonra baş tutan mətbuat konfransında deyib.

Mütəxəssis heç-heçə ilə başa çatan görüşü şərh edib:

"Maraqlı və gərgin oyuna şahidlik etdik. Bərabərə qalmağımıza baxmayaraq, komandamdan çox razı qaldım. Futbolçularım çox əzimkar və istəkli oyun nümayiş etdirdilər. İnanıram ki, yeni ildən sonra da futbolçularım eyni istəklə mübarizə aparacaqlar".

Qeyd edək ki, XVIII turun "Kəpəz" - "Sumqayıt" görüşündə hesab açılmayıb.