Azərbaycan çempionatının ilk yarısında keçirilmiş oyunlarda 140 mindən çox azarkeş olub
https://qalaba.az//uploads/photo/azerbaycan-chempionatinin-ilk-yarisinda-kechirilmish-oyunlarda-140-minden-chox-azarkesh-olub.webp
Misli Premyer Liqasının 2024/2025 mövsümünün ilk yarısında keçirilmiş 90 oyunda 144 min 355 tamaşaçı qeydə alınıb.
"Report" Peşəkar Futbol Liqasının rəsmi saytına istinadən xəbər verir ki, orta göstərici 1604-ə bərabər olub.
İlk 18 turun rekordu X turun “Neftçi” – “Qarabağ” matçında gerçəkləşib. “Neftçi Arena”ya 7069 seyrçi toplaşıb. Antirekord isə XI turun “Araz-Naxçıvan” – “Zirə” görüşünə məxsusdur – 80 tamaşaçı.
Klubların ev oyunlarındakı orta göstəricidə “Turan Tovuz” böyük üstünlüyə malikdir. “Neftçi” ikinci, “Sumqayıt” üçüncüdür. Bu üç komanda ümumi orta göstəricidən yüksək nəticəyə sahibdir.
| yer | komanda | oyun | tamaşaçı | Orta |
| 1 | Turan Tovuz | 9 | 39700 | 4411 |
| 2 | Neftçi | 9 | 21931 | 2437 |
| 3 | Sumqayıt | 9 | 21450 | 2383 |
| 4 | Qarabağ | 9 | 13820 | 1536 |
| 5 | Sabah | 9 | 12904 | 1434 |
| 6 | Şamaxı | 9 | 9800 | 1089 |
| 7 | Kəpəz | 9 | 9650 | 1072 |
| 8 | Səbail | 9 | 6500 | 722 |
| 9 | Zirə | 9 | 6400 | 711 |
| 10 | Araz-Naxçıvan | 9 | 2200 | 244 |
| Cəmi | 90 | 144355 | 1604 |
