PSJ və "Barselona" "Liverpul"un futbolçusu ilə maraqlanır

İspaniyanın "Barselona" və Fransanın PSJ klubları İngiltərə təmsilçisi "Liverpul"da çıxış edən Luis Diasla maraqlanır.

"Report" xəbər verir ki, bu barədə "Caught Offside" nəşri məlumat yayıb.

Hər iki klubun rəsmilərinin 27 yaşlı vingerlə əlaqə saxladığı, kolumbiyalı oyunçunun isə "Barselona"da çıxış etmək istədiyi vurğulanıb. PSJ bu keçid üçün 60 milyon avro təklif etməyə hazırdır.

Qeyd edək ki, Luis Dias Mersisayd təmsilçisinin heyətində 23 oyun keçirib, 11 qol və 3 məhsuldar ötürmə ilə yadda qalıb.