"Mançester Yunayted"in iki sabiq futbolçusunun rekordu təkrarlanıb

"Mançester Yunayted" klubunun futbolçusu Amad Diallo İngiltərə Premyer Liqasında Ule-Qunnar Solskyaer və Ueyn Runinin rekordunu təkrarlayıb.

"Report" "Squawka"ya istinadən xəbər verir ki, 22 yaşlı hücumçu buna “Sauthempton”a 3:1 hesabı ilə qalib gəldikləri XXI turun matçında nail olub.

Üç dəfə fərqlənən forvard Premyer Liqa tarixində bir qarşılaşmanın son 10 dəqiqəsində 3 və daha çox qol vuran üçüncü oyunçudur.

Solskyaer 1999-cu, Runi isə 2010-cu ildə bunu bacarıb.

Qeyd edək ki, 2021-ci ildə "qırmızı şeytanlar"a keçən Diallonun klubla müqaviləsinin müddəti 2030-cu ilin yayınadək nəzərdə tutulub.